يا طير ما حاش جناحيك تكسير
ما حاشتك بقعاء وسواعر لهدها
قل لي يا طير وش هي الدبابير
لـ اللي تدنت بـ الخفا من حسدها
و الغبن ما يحسب عليك بـ تعزير
الباب مهجوج والغاير وصدها
تكفخ يا طير عسى الداع خير
وش فيك ملهود ٍكبدك من لهدها
ان بغيت العلم هاته من الاخير
وابعد عن نار قريبك اتّـقـدها
خير يا طير و عن الدار لا تطير
كان العلم ضاقك انقض سددها
لو قيل احكي عن ما صار و يصير
وش احكي عنه يانون قافي ومددها
وش احكي وش انم عن الاعاصير
شا اقول عن روحٍ اتعبني سهدها
الطيّب اللي له المراجل تستشير
للمرجله عنوان ولخيامي عمدها
بيضةٍ يمناه من يومه اصغير
في افعاله مواري شيخٍ وردها
يامن رضعت الطيب هاك التباشير
سم و تسامى دام حبك مهدها
فالحال عال يا سيد يام و مطير
يا سيد العربان يا ذيبها يا أسدها
لا جيت اطير عنك يا كيف بـاطير
يا كيف طيرك يترك ارض ٍ وددها
رسمت من الهوى لك جال و غدير
بــ الجال صوره بك تعلاّ عقدها
الصوره اللي تجلت من تفاكير
مرسومةٍ بريش شعرٍ ما زهدها
والغلا ماله في المخاليق تبرير
مثل الجيوش اللي بقلبي حشدها
بعض الافعال مالها دون تفسير
مثل الغما اللي بليلي هجدها
مثل السحاب اللي يظل المناعير
مثل المناحل اللي تدنى شهدها